İtaliyada 1,1 Milyon İnsan Altsheymer Xəstəliyindən Əziyyət Çəkir

İtaliyada təxminən 1,1 milyon insan Altsheymer xəstəliyindən əziyyət çəkir. Bu xəstəlik təkcə yaddaş itkisi deyil, eyni zamanda sosial münasibətlər və gündəlik funksionallıq üzərində dərin təsir göstərir. Altsheymer artıq tibbi problem olmaqdan çıxaraq sosial böhran səviyyəsinə çatıb.

Xəstələrlə yanaşı, onlara qayğı göstərən 3 milyonadək insan da psixoloji və fiziki yüklə qarşılaşır. Onların əksəriyyəti narahatlıq, depressiya və tükənmişlik riski altındadır. Reabilitasiya proqramları, koqnitiv (əqli) təlimlər və fiziki fəaliyyət bu prosesdə mühüm rol oynayır.

21 sentyabr Ümumdünya Altsheymer Günüdür və bu gün bu xəstəliklə yaşayanlara və onların ailələrinə diqqət yetirməyin vacibliyini vurğulayır.

R.Daşdəmirova
Ulusum.az