Qonşusu irad bildirdi, o isə baltaya əl atdı – Udmurtiyada DƏHŞƏTLİ QƏTL

Udmurtiya sakini qonşusuna baltayla hücum etməkdə ittiham olunur. Bu barədə Rusiya İstintaq Komitəsinin region üzrə idarəsi məlumat yayıb.

Hadisə Siqayevo kəndində baş verib. İstintaqın versiyasına görə, 50 yaşlı kişi öz həyətində musiqini çox uca səslə dinləyirmiş. Bu vəziyyətdən narazı qalan və onunla tanış olan qonşu qadın irad bildirib.

Bu, kişiyə xoş gəlməyib və o, baltanı götürərək qadının baş və bədən nahiyəsinə bir neçə zərbə endirib. Qadının artıq nəfəs almadığını anlayan şəxs onun cəsədini həyətyanı sahəyə yaxın bir yerdə basdırıb, baltanı isə çaya atıb.

Şübhəli şəxs barəsində cinayət işi başlanılıb.



İstintaqçılar artıq şahidləri dindirib, hadisə yerinə baxış keçirib və digər zəruri prosessual tədbirləri həyata keçiriblər.

Məlumata görə, kişiyə rəsmi olaraq ittiham irəli sürülüb və o, törətdiyi əməli etiraf edib.

Ulusum.az