Meşədəki ana və iki körpə: rus qadının Hindistanda mistik həyatı

Hindistanın Kerala ştatının sıx meşələrində, hər kəsdən uzaqda, təbii bir mağarada rusiyalı Nina Kutina və onun altı və dörd yaşlı iki uşağı yaşayırmış. Onlar təxminən iki həftədir tam təcrid vəziyyətində yaşayıb və yalnız güclü torpaq sürüşməsindən sonra keçirilən polis reydi zamanı aşkarlanıblar.

İlkin məlumatlara görə, Nina Hindistana bir neçə il əvvəl biznes vizası ilə gəlib, sonra isə mistik Gokarna şəhərinə üz tutaraq həyatını hinduizmlə bağlayıb. Ruhani axtarışlarını meşədə davam etdirmək istəyən qadın uşaqları ilə birlikdə mağarada məskunlaşıb, orada Şivanın bir forması olan Rüdranın heykəlini qoyub, meditasiya və dini ayinlər həyata keçirib.

Ərzaq kimi yabanı meyvələrlə qidalandıqları, su və digər ehtiyacların necə ödənildiyi isə hələ də araşdırılır. Sənədlərə baxış zamanı məlum olub ki, onun vizası 2017-ci ildən etibarən müddətini bitirib. Hazırda ailəyə müvəqqəti sığınacaq verilib, yaxın günlərdə Banqalore şəhərinə köçürüləcəklər və sonra vətənə deportasiya olunacaqlar.

Ulusum.az