Evdə qab yuyarkən pələngin qurbanı oldu – Cəsədi tarlada tapıldı

Hindistanda pələng bir qadına evinin həyətində hücum edərək onu qamış tarlasına sürüyüb.

The Week nəşrinin məlumatına görə, hadisə Hindistanın Uttar-Pradeş ştatındakı Şanti Naqar kəndində baş verib. 45 yaşlı Reşma evinin həyətində kran yanında qab yuyarkən pələng qəfil peyda olub və qadının boğazından tutaraq onu özü ilə aparıb. Onun cəsədi sonradan evdən 600 metr aralıda yerləşən şəkər qamışı plantasiyasında tapılıb.

Kənd sakinlərinin sözlərinə görə, həmin pələng artıq bir aydır ki, ərazidə dolaşır, lakin Meşə Departamenti hələ də heç bir tədbir görməyib.

Bu, son 25 gün ərzində Pilibhit dairəsində baş vermiş üçüncü ölümcül pələng hücumudur. Mayın 14-də pələng fermer Hansracı, mayın 18-də isə Ram Prasadı parçalayıb.

Ulusum.az