BMT 15 Dekabrı Dünya Türk Dili Ailəsi Günü elan etdi

UNESCO-nun qərarı ilə 15 dekabr türkdilli xalqların ortaq dil və mədəni irsinə həsr olunmuş beynəlxalq gün kimi təsis edilib.

Bu gün ilk dəfə Dünya Türk Dili Ailəsi Günü qeyd olunur.

Ulusum.az xəbər verir ki, BMT-nin yaydığı məlumata əsasən, UNESCO-nun Səmərqənddə keçirilən Baş Konfransında qəbul olunan qərardan sonra təşkilat ilk dəfə olaraq bazar ertəsi günü – 15 dekabrda Dünya Türk Dili Ailəsi Gününü qeyd etməyə hazırlaşır.

UNESCO-nun qərarı ilə 15 dekabr Dünya Türk Dili Ailəsi Günü elan olunub. Bu tarix, 1893-cü ildə danimarkalı dilçi Vilhelm Tomsenin Orxon-Yenisey yazılarını oxuduğu günə təsadüf edir.

Qərar Azərbaycan, Türkiyə, Qazaxıstan, Qırğızıstan və Özbəkistanın birgə təşəbbüsü ilə irəli sürülüb və 21 ölkə tərəfindən dəstəklənib.

R.Daşdəmirova
Ulusum.az