Türkiyədə 5.8 bal zəlzələ: 14 yaşlı uşaq həyatını itirdi, 69 yaralı

Türkiyənin cənub-qərb sahillərində baş verən 5.8 bal gücündə zəlzələ insan itkisi və yaralanmalarla nəticələnib.

Daxili İşlər Naziri Ali Yerlikaya sosial şəbəkədə açıqlama verib: zəlzələ zamanı 14 yaşlı uşaq panik atak keçirərək dünyasını dəyişib, 69 nəfər isə müxtəlif dərəcəli xəsarət alıb.

Yaralılardan 46 nəfər xəstəxanalara yerləşdirilib, onların çoxu qaçış və ya yüksək yerdən tullanma zamanı xəsarət alıb.

Yerlikaya bölgədə ciddi dağıntı olmadığını bildirib və xilasetmə işlərinin davam etdiyini vurğulayıb.

Ulusum.az