FHN: Binəqədi rayonunda obyektdəki yanğın tam söndürülüb - VİDEO- FOTO

Bakı şəhərinin Binəqədi rayonu, Süleyman Sani Axundov küçəsində yerləşən üçmərtəbəli ticarət obyektində baş vermiş yanğın Fövqəladə Hallar Nazirliyinin (FHN) Dövlət Yanğından Mühafizə Xidmətinin qüvvələri tərəfindən operativ şəkildə söndürülüb. Havanın küləkli olmasına baxmayaraq, yanğınsöndürənlərin çevik müdaxiləsi nəticəsində yanğının genişlənməsinin və bitişik obyektlərə keçməsinin qarşısı alınıb.

"Ulusum". az xəbər verir ki, bu barədə FHN-in "112" qaynar telefon xəttinə daxil olan məlumat əsasında əraziyə cəlb olunan yanğından mühafizə bölmələrinin operativ müdaxiləsi sayəsində yanğın qısa müddətdə məhdudlaşdırılıb və tam söndürülüb.