Ağstafa Rayon İcra Hakimiyyətindən şəhid övladlarına Yeni il sevinci

Yeni ilin və 31 Dekabr – Dünya Azərbaycanlılarının Həmrəyliyi Gününün yaxınlaşması münasibətilə Ağstafa Rayon İcra Hakimiyyətinin başçısı Seymur Orucov rayonun şəhid övladları ilə xüsusi görüş keçirib.
Bu mənalı görüş həm bayram ovqatı yaratmaq, həm də Vətən uğrunda canını fəda etmiş qəhrəmanların ailələrinə göstərilən diqqətin növbəti təzahürü olub.

Görüş zamanı balaca qəhrəmanlarımız üçün əsl bayram ab-havası yaradılıb.

Uşaqlar Şaxta baba ilə görüşüb, bayram hədiyyələri alıblar və xatirə şəkilləri çəkdiriblər. Onların sevinci, gözlərindəki işıq dövlətimizin və cəmiyyətimizin şəhid ailələrinə olan böyük hörmət və ehtiramının canlı göstəricisi idi.

Ulusum.az xəbər verir ki, Seymur Orucov çıxışında bildirib ki, şəhidlərimizin əmanəti olan övladlara sahib çıxmaq, onların sevincinə səbəb olmaq hər birimizin mənəvi borcudur.

Vurğulanıb ki, ölkə rəhbərliyinin tapşırığına uyğun olaraq şəhid ailələri daim diqqət və qayğı ilə əhatə olunurlar və bu istiqamətdə işlər davamlı xarakter daşıyır.

Təşəkkürlər, Seymur müəllim! Bu cür tədbirlər uşaqlara təkcə sevinc yox, həm də gələcəyə inam, dövlətə güvən hissi aşılayır.



















R.Daşdəmirova