Yaşla bağlı əzələ zəifliyinin qarşısını alan zülal kəşf edildi

Amerikalı alimlər yaşla əlaqəli əzələ zəifliyini yavaşlatma potensialına malik TnC zülalının rolunu müəyyən ediblər.


Amerika Biotibbi Tədqiqatlar İnstitutunun alimləri yaşla əlaqəli əzələ zəifliyinin əsas səbəblərindən birini kəşf ediblər. Communications Biology jurnalında dərc olunan araşdırmaya görə, ulusum.az xəbər verir ki, Tenasin-C (TnC) adlı zülal əzələ kök hüceyrələrinin səviyyəsini qoruyaraq, əzələlərin bərpasını təşviq edir.

Tədqiqat göstərib ki, yaşlandıqca TnC-nin səviyyəsi azalır, bu da kök hüceyrələrin tükənməsinə və əzələ toxumasının zəifləməsinə səbəb olur. Təcrübələrdə TnC çatışmazlığı olan siçanlar əzələ zədələrindən sonra zəif bərpa göstərib. Alimlər TnC-nin yaşla əlaqəli əzələ kütləsi itkisinin — sarkopeniyanın — müalicəsində ümidverici rol oynaya biləcəyini bildiriblər.

Bununla yanaşı, zülalın birbaşa tətbiqi çətin olduğundan, gələcəkdə onu toxumalara effektiv şəkildə çatdıracaq texnologiyalara ehtiyac var.

R.Daşdəmirova
Ulusum.az