İtaliyada səhlənkarlıq faciəsi: Turistlər ölümə göndərildi

İtaliyanın Neapol şəhəri yaxınlığındakı Faito dağında yerləşən funikulyorun çökməsi nəticəsində 4 nəfər həyatını itirib, 1 nəfər isə ağır yaralanıb.

“Ulusum”.az ANSA agentliyinə istinadən xəbər verir ki, hadisə zamanı kanat yolunun start nöqtəsində olan turistlər təxliyə edilib.

Qəzanın səbəbi 1100 metr hündürlükdə trosun qırılması olub. Kabinədə iki əcnəbi turist cütlüyü və bir yerli işçi olub. Yeganə sağ qalan qadın helikopterlə Neapoldakı Ospedale del Mare xəstəxanasına çatdırılıb.

Funikulyor cəmi 10 gün əvvəl qış fasiləsindən sonra yenidən fəaliyyətə başlamışdı.

Axtarış-xilasetmə işləri qalın duman səbəbilə çətinləşib. Mülki müdafiə xidməti hava təhlükəsi ilə bağlı sarı xəbərdarlıq səviyyəsi elan edib – bölgədə fırtına riski yüksəkdir.

Hadisə ilə bağlı Torri-Annunziata Prokurorluğu "ehtiyatsızlıqdan sağlamlığa zərər vurma" və "səhlənkarlıq nəticəsində bir neçə şəxsin ölümünə səbəb olma" maddələri üzrə cinayət işi açıb.