Tacikistanda güclü zəlzələ baş verib

Tacikistanda 5,9 bal gücündə zəlzələ baş verib, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

“Ulusum”.az Asia Plus-a istinadən xəbər verir ki, bu, yerli vaxtla saat 9:23-də qeydə alınıb. Zəlzələnin fəsadları barədə məlumat yoxdur.

Qonşu Özbəkistanın Fövqəladə Hallar Nazirliyi yanında Respublika Seysmik Proqnoz Mərkəzi Tacikistanda baş verən zəlzələnin episentrdə 7 bal gücündə olduğunu bildirib. Mərkəz qeyd edib ki, yeraltı təkanlar Özbəkistanda da 2-3 bal hiss olunub.

Bundan əlavə, yeraltı təkanlar Qırğızıstanda da hiss olunub.