Dominikan Respublikası hakimiyyəti 3 günlük matəm elan edib

Dominikan Respublikasının Prezidenti Luis Abinader çərşənbə axşamı gecə Santo Dominqodakı Jet Set gecə klubunda baş vermiş faciə ilə əlaqədar üç günlük milli matəm elan edib.

“Faciə nəticəsində insan tələfatı çox böyükdür, baş verənlər sarsıdıcıdır”, - dövlət başçısının sərəncamında qeyd olunur.

Abinader X sosial mediasında da yazıb ki, “bütün xilasetmə xidmətləri lazımi yardımı göstərir və insanları xilas etmək üçün yorulmadan çalışır”.

Rəsmi məlumatlara görə, Santo Dominqoda gecə klubunun damının uçması nəticəsində 29 nəfər ölüb, müxtəlif KİV-lər isə 58 nəfərin öldüyünü yazır. Santo Dominqoda insanların qan verə biləcəyi donor mərkəzləri açılıb.