Gilasın faydası və zərərləri - Nə qədər yeyilməlidir?

Hazırda gilas mövsümü başlayıb. Qırmızı və ağ gilas çeşidləri sərinləşdirici təsir bağışlamaqla süfrələrimizin bəzəyidir.

Üstəlik faydaları da az deyil. Lakin hər bir qəbul etdiyimiz qida kimi, onun da istehlak qaydası və miqdarından asılı olaraq ziyanları ola bilər.

Ulusum.az sevimli meyvə olan gilasın faydaları və zərərləri barədə aparılmış araşdırmanın nəticələrini oxucuları ilə bölüşür:

1. Vitamin və minerallar zəngindir

100 qram gilas orta hesabla 14-15 ədəddir və 65 kaloriyə bərabərdir. A vitamini və liflə zəngin olmaqla yanaşı, yüksək antioksidant təsirə malikdir.

Bəzi xəstəliklərin dərmanıdır
Bədəndə, xüsusilə qanda olan lazımsız turşuların xaric edilməsində və qanın balanslaşdırılmasında mühüm rol oynayır.
Siqaret çəkənlər bol-bol gilas yeməlidir, çünki...

Gilas vücudda olan nikotini xaric edən olduqca təsirli qida hesab olunur. Məlum olub ki, gün ərzində bir neçə gilas yeməknikotinin bədəndən atılmasını təmin edər, ağciyərlərin divarlarını təmizləyər.

Böyrəklərin "dost"u
Tərkibində olan minerallar böyrəkdəki duzları və daşların xaric olunmasıa müsbət təsir edir.
Beyinin fəaliyyətinə faydası var
Tərkibində oan A, Vitamin B, kalsium və forfor kimi vitamin və minerallar səbəbindən gilas qəbulu beyinin fəaliyyətini yaxşılaşdırır.

Gilasın zərərləri nədir?

Bir çox xəstəliklər üçün faydalı olan və möcüzəvi sağlamlığa faydası olan bu meyvənin ayrılıqda heç bir zərəri yoxdur. Lakin onun istehlakına diqqət edilməlidir, xüsusilə də diabetdən əziyyət çəkənlər buna önəm verməlidir. Belə ki, gilasın tərkibində şəkəri yüksək olduğundan həddindən artıq istifadə diabetli şəxslərə zərər vura bilər.

Bundan başqa, bir dəfəyə aşırı dərəcədə gilas mədə problemlərinə yol aça bilər. Hətta alergiya həssaslığı olan insanlarda allergik göstəricilərin yüksəlməsinə də gətirib çıxara bilər.

Odur ki, hər şey qədərində gözəl və faydalıdır. Dahi Nizami demiş, "Bir inci saflığı varsa da suda, artıq içiləndə dərd verir o da".

Aymirə Ağamirova