Müstəqillik tarixinin ən çətin turu

Bu həftə Azərbaycan Premyer Liqasında 2023-24 mövsümünün sonuncu turu baş tutacaq.

Ulusum.az xəbər verir ki, 1992-ci ildən keçirilən Azərbaycan Premyer Liqasının ən çətin son turu kimi deyə bilərik. Çünki gümüş medallar uğrunda 4 komanda 2 xal fərqlə yarışır. Sonuncu turu "ölüm" turu kimi də qeyd edə bilərik.

Hazırda turnir cədvəlində gümüş medallar uğrunda mübarizə aparan klubların xalları ardıcıl olaraq belədir.

"Neftçi" 56 xal, "Zirə" 55 xal, "Sabah" 55 xal, "Sumqayıt" 54 xalla gümüş medallar uğrunda mübarizə aparır.

25 may tarixində "Neftçi" - "Sabah"ı qəbul edəcək, eyni zamanda "Zirə" - "Səbail"lə və "Sumqayıt" - "Qəbələ"ni sınağa çəkəcək.

İtirilən və qazanılan 1 xal nəinki gümüş medaldan, eyni zamanda Avrokuboklardan kənar qalmaq deməkdir.

Azərbaycan Premyer Liqasında gərgin oyunlar sonucu tur və hər biri 19:00-da start götürəcək.

Ağa Dadaşzadə