Bakıda yeni avtobuslara ehtiyacı olan xətlər... - EKSKLÜZİV

Biləcəri qəsəbəsi uzun illərdir ictimai nəqliyyatın imkanlarından lazımınca istifadə edə bilmir.

ULUSUM.az xəbər verir ki, 92 nömrəli marşrut xəttində avtobusların gec gəlməsi və köhnə olması insanların narazılığına səbəb olub. Sərnişinlər bildirirlər ki, yayda vəziyyət daha da ağırlaşır, gecikən avtobusların kondisionerinin olmaması bir başqa problemdir.

91 saylı marşrut xəttinin vəziyyəti daha bərbaddır. Ordakı avtobuslar köhnə və balacadır. Səhər saatlarında bu iki xətt üzrə işləyən avtobuslara minmək müşkül məsələyə çevrilir.

Yeni avtobusların gəlməsi ilə bağlı sürücülərin cavabı belə oldu: “Bizdə heç bir məlumat yoxdur, yeni avtobuslardan bir xəbər eşitməmişik”.

Hazırda əhalisi 300 min nəfərdən çox olan Biləcəri qəsəbəsinin Binəqədi qəsəbəsi ilə qonşu olan hissəsindən “Avtovağzal” və "20 yanvar” metrostansiyalarına 91 və 92 saylı marşrutlar işləyir. 91 saylı marşrutun son dayanacağı isə Bakı Beynəlxalq Avtovağzalıdır....

Ümid edək ki, qeyd olunduğu kimi, sərnişinlərin diskamfortuna səbəb olan problemlərin aradan qaldırılması üçün həmin xətlərə yeni avtobuslar buraxılacaq...

AĞA DADAŞZADƏ