ŞOK! Cindara 5 milyon AVRO XƏRCLƏDİ - EKSKLÜZİV

Almaniyada çalışan türkiyəli iş qadını Nurcan Badruk 10 il ərzində cindara 5,1 milyon avro ödədiyini bildirib.

Serkan Öndər ondan "əməlin qırılması" bəhanəsi ilə həmin pulları alıb.

Ulusum.az xəbər verir ki, Almaniyanın Münhen şəhərində yaşayan iş qadını Nurcan Badruk məşğul olduğunu iddia edən Serkan Öndər və həyat yoldaşı Süreyya Öndər tərəfindən cadunu açacağı vədi ilə 5,1 milyon avro itirdiyini açıqlayıb.

Qadın “Onun mənə içdirdiyi mayelərlə huşumu itirdim və hər şeyə inandım," - deyə əməlbazı ittiham edib.
"2021-ci ilə qədər onun hesabına müntəzəm olaraq pul göndərdim. Dedi ki, pul göndərdiyimi heç kimə deməməliyəm, əks halda həyat yoldaşıma və uşaqlarıma zərər verəcək. Mən də qorxumdan pul istədikcə verirdim. Sonuncu dəfə telefonda məndən 500 min avro istəyəndə qızım eşitdi".

Qadının şikayəti üzrə Münhen Region Məhkəməsi işə baxıb. İttihamları qəbul etməyən Serkan Öndər hovuz təmizliyi ilə məşğul olduğunu, çətinliklə dolandıqlarını, əlilliyə görə cəmi 350 avro təqaüd aldığını bildirib.

Nurcan Badrukun həyat yoldaşı Adil Badruk da Nurcanın dediklərini təsdiqləyərək, "Öndərin məhkəməyə yalan söylədiyini, tikdirdiyi villanı Nurcandan dələduzluq yolu ilə aldığı pullarla ucaltdığını bəyan edib.

İddianı araşdıran Münhen Regional Məhkəməsi Önder cütlüyünün Badruk ailəsinə birdəfəlik 1 milyon 165 min avro, qalan pulu isə hissə-hissə ödəməsinə dair qərar qəbul edib.

Bu hadisə bir daha onu göstərdi ki, cindarlar insanların şübhə və qorxularından istifadə edib aldadır, pullarını mənimsəyirlər.

Aldanmamaq üçün bu cür insandan uzaq durmaq, onların yalanlarını dinləməmək kifayətdir...

Aymirə Ağamirova