Baxmağa dəyər

Heç kimə sirr deyil ki, televiziyalar sosial media ilə rəqabətdə bir qədər zəif görünür. Bunun isə obyektiv səbəbləri mövcuddur.

Mədəniyyət kanalının yeni verilişi həftədə bir dəfə cümə günləri efirə çıxır.

Artıq 3- cü buraxılışı yayımlanan bu verilişin tamaşaçı auditoriyası bu qısa müddət ərzində, demək olar ki, formalaşıb. Sosial şəbəkədə yerləşdirilən buraxılışlara yazılan rəylər bunu deməyə imkan verir.

Zamanın tələbinə əsasən, paylaşılan məlumatın əlçatan olması təmin edilməlidir. Tamaşaçı istədiyi vaxt arzuladığı kontenti izləyə bilməlidir.

Bütün bu və digər məsələlər sosial medianı tamaşaçılar üçün daha rahat və əlçatan edir. Bununla belə, bəzi verilişlər var ki, tamaşaçılar tərəfindən izlənilir və arzuolunandır.

Mədəni tənqid, istər ölkə daxilində, istərsə də ölkə hüdudlarından kənarda baş verən önəmli mədəniyyət hadisələrini, xüsusilə də Azərbaycana aid olan mədəniyyət olaylarını müzakirə edərək tamaşaçıları həm məlumatlandırır, həm də maarifləndirir.

Verilişin müəllifləri, yazıçı və publisist Həmid Herisçi və telejurnalist İlhamiyyə Rzaya bu yolda uğurlar arzu edir, daha geniş auditoriya qazanmaqlarını diləyirik.

Verilişin linkini əlavə edirik.



R.İkramlı