Tramp ABŞ hərbi bazaları üçün yeni istifadə tapıb

ABŞ hərbi bazaları kritik minerallar üçün Çinlə rəqabətə qarşı mübarizə aparmaq üçün metal emalı və təkrar emalı müəssisələri inkişaf etdirəcək.

ABŞ prezidenti Donald Tramp müvafiq fərmanı çərşənbə günü, martın 12-də imzalaya bilər, “Ulusum”.az xarici mətbuata istinadən xəbər verir.

Agentlik bildirir ki, Pentaqon öz bazalarında emal müəssisələri yaratmaq üçün digər federal qurumlarla işləyəcək. Bundan əlavə, dövlət başçısı mühüm mineral ehtiyatlar üzrə xüsusi nümayəndə təyin etmək niyyətindədir. Onun administrasiyasındakı bəzi yüksək vəzifəli məmurlar Çinin ABŞ-ın yeni tariflərinə cavab olaraq mineral ixracını məhdudlaşdıra biləcəyindən narahatdırlar.

ABŞ hərbi bazalarının metal emalı üçün istifadəsi Amerika liderinin kritik minerallara verdiyi əhəmiyyəti vurğulayacaq. Reuters xatırladıb ki, Amerika ordusunun sualtı qayıqları, döyüş təyyarələri, güllələri və digər silahları Pekinin emal etdiyi minerallardan istehsal olunur. Hazırda planlar müzakirə olunur və fərman imzalanana qədər düzəlişlər edilə bilər.