Pelosi iki kəlmə ilə Trampın çıxışını təsvir edib

“Ulusum”.az-ın məlumatina görə, Nümayəndələr Palatasının üzvü Nensi Pelosi X sosial şəbəkəsində yazıb ki, prezident Donald Trampın ABŞ Konqresindəki çıxışı “yalanların manifesti" olub. Siyasətçi əlavə edib ki, ABŞ Demokrat Partiyası “Trampın Amerikaya hücumlarına” qarşı mübarizə aparacaq.

Pelosi yazıb ki, sonuncu dəfə Konqresdə çıxış etdiyi kimi, prezident Trampın bugünkü çıxışı da yalanların növbəti manifestidir.

Qeyd edək ki, Trampın Konqresdəki çıxışı uzunluq rekordu qırır. Dövlət başçısının çıxışı 1 saat 39 dəqiqə davam edib. Bundan əvvəlki rekord ABŞ-ın 42-ci prezidenti Bill Klintona məxsus idi. 2000-ci ildə onun çıxışı 89 dəqiqə davam edib. Trampın 4 Martda Birliyin Vəziyyəti ilə bağlı çıxışından əvvəl ən uzun çıxışı 2019-cu ildə olub və 1 saat 22 dəqiqə davam edib.