"Welt": Ukraynadan yeni qaçqın dalğası gözlənilir

Almaniyada ABŞ-ın Ukraynaya hərbi yardımı dayandırması səbəbindən yeni ukraynalı qaçqın dalğasının gözlənildiyi bildirilib.

“Ulusum”.az-ın məlumatina görə, bu barədə Şimal-Almaniya Mənzil Şirkətləri Assosiasiyasının (VNW) direktoru Andreas Braytner məlumat verib, "Welt" xəbər verir.

ABŞ-ın Ukraynaya hərbi yardımı dayandırmaq qərarından sonra, daha çox insanın Şimal Almaniyaya miqrasiya edəcəyinə dair təhlükənin artdığı bildirilir.

Braytner əlavə edib ki, Meklenburq-Önü Pomeraniya və Hamburg bölgələri yeni qaçqınlar üçün daha çox yaşayış sahəsi yaratmalıdır. Həmçinin, VNW direktorunun sözlərinə görə, üç il əvvəlki vəziyyətə bənzər şəkildə, çox sayda ukraynalının Şimal Almaniyaya gəlməyi planlaşdırdığı qeyd edilib.

"Welt"ə danışan mənbənin sözlərinə görə, bu seçimin səbəblərindən biri artıq həmin bölgədə formalaşmış ukraynalı diasporasının olmasıdır. Braytner vurğulayıb ki, mənzil şirkətləri yaşayış sahələrinin tikintisini sürətləndirməli, sosial infrastrukturun inkişafını isə unutmamalıdırlar.

4 martda Ağ Ev ABŞ-ın Ukraynaya hərbi yardımı dayandırdığını rəsmi olaraq təsdiq edib. Gözlənilir ki, Vaşinqton Ukraynanın Rusiya ilə sülh danışıqlarına hazır olduğunu nümayiş etdirənə qədər bu yardımları dayandıracaq.