Nyu York ştatında Milli Qvardiya yerləşdirilib

Nyu-York ştatının hakimiyyəti, həbsxana işçilərinin keçirdiyi etiraz aksiyası səbəbindən Milli Qvardiyanı işə salmağa başlayıb. “Ulusum”.az xəbər verir ki, bu barədə ştat qubernatoru Keti Hokul öz YouTube kanalında açıqlama verib.

O qeyd edib ki, vəziyyəti təcili həll etmək üçün islah işçiləri həmkarlar ittifaqının rəhbərliyi ilə görüş keçirib. Qubernatorun sözlərinə görə, əgər razılığa gəlinməsə, o, həbsxanaların təhlükəsizliyini təmin etmək üçün Milli Qvardiyanı göndərəcək. Milli Qvardiya artıq yerləşdirilib və vəziyyəti sabitləşdirmək üçün hazırdır.

Həbsxana işçilərinin etirazları artıq üçüncü gündür davam edir. Ştatın 42 həbsxanasından 30-da işçilər növbələrə çıxmağı rədd ediblər. Etirazçılar iş şəraitinin çətinliyindən şikayət edirlər.

Səidə