Rusiyada ABŞ-ın mümkün səfirinin adı açıqlanıb

Amerikalı xüsusi nümayəndə Riçard Norlandın Moskvada ABŞ-ın yeni səfiri olacağı bildirilir. “Ulusum”.az xəbər verir ki, "Kommersant" qəzetinin məlumatına görə, Vaşinqton artıq onun namizədliyinin təsdiqini istəyib.

Norland 40 ildən çox diplomatik xidmətdən sonra, bir neçə dilə bələd olduğu və rus dilini bildiyi ilə tanınır. O, 1980-ci ildən diplomatik karyerasına başlayıb və Bəhreyn, Norveç və Moskvada işləyib.

Diplomat Gürcüstanda və Özbəkistanda səfir vəzifəsində çalışıb, həmçinin Kabildə və Riqada təcrübə qazanıb. Norland həmçinin sabiq general Cozef Danfordun xarici siyasət üzrə müşaviri və Klinton və Buş administrasiyalarında Milli Təhlükəsizlik Şurasında Avropa məsələləri üzrə direktor olub.

Rusiya isə öz növbəsində ABŞ-dan Aleksandr Darçevin ABŞ-da səfir vəzifəsini tutmasına dair tezliklə qərar verilməsini gözləyir. Rəsmi qurumlar hələlik gələcək təyinatlarla bağlı şərh verməyiblər.

Səidə