Ər-Riyadda aparılan danışıqların nəticələri

ABŞ Rusiya ilə Ər-Riyaddakı danışıqların ən yaxşı nəticəsini gözləyə bilməzdi. Bu barədə ABŞ prezidentinin Yaxın Şərq üzrə xüsusi nümayəndəsi Stiv Üitkoff bildirib, “Ulusum”.az xəbər verir.

"Danışıqlar müsbət, konstruktiv və işgüzar bir atmosferdə keçdi. Bütün iştirakçılar lazım olan nəticəni əldə etməyə yönəlmişdilər. Sessiyadan sonra nəticələri müzakirə edərkən, daha yaxşı bir nəticə təsəvvür edə bilmədik", — deyə Üitkoff qeyd edib.

Həmçinin, məlum olub ki, Rusiya və ABŞ nümayəndə heyətləri Səudiyyə Ərəbistanında keçirilən görüşdə Rusiya Prezidenti Vladimir Putinin və ABŞ Prezidenti Donald Trampın görüşünü hazırlamağa davam etməyə hazır olduqlarını ifadə ediblər.

Fevralın 18-də Ər-Riyadda Rusiya və ABŞ nümayəndələrinin danışıqları başa çatıb. Görüş 4,5 saat davam edib və Ukrayna münaqişəsinin tənzimlənməsi məsələləri də müzakirə edilib.

Səidə