Bu ölkə qeyri-qanuni miqrantlara yardım edəcək

“Ulusum”.az xəbər verir ki, Kosta-Rika Prezidenti Rodriqo Çavesin administrasiyası X sosial şəbəkəsində qeyri-qanuni miqrantların repatriasiyası məsələsində ABŞ ilə əməkdaşlığın başlanması barədə məlumat yayıb.

"Kosta-Rika hökuməti ABŞ ilə 200 qeyri-qanuni miqrantın ölkəyə repatriasiyası barədə razılığa gəlib", — deyə postda bildirilir.

Administrasiya əlavə edib ki, 19 fevralda ölkə ABŞ-dan kommersiya reysi ilə Hindistan və Mərkəzi Asiyadan olan ilk qeyri-qanuni miqrantlar qrupunu qəbul edəcək. Onlar müvəqqəti olaraq Kosta-Rikanın Korredores kantonundakı miqrant xidmət mərkəzinə yerləşdiriləcək, sonra isə vətənlərinə qayıtmalarına kömək ediləcək. Beləliklə, "Kosta-Rika, onların doğma ölkələrinə getmələrinə kömək edəcək körpü rolunu oynayacaq".

Nəşr edilmiş sənədə görə, qeyri-qanuni miqrantların repatriasiyasının bütün xərclərini ABŞ tərəfi üzərinə götürəcək. Kosta-Rikada olduqları müddətdə isə onların qayğısına Beynəlxalq Miqrasiya Təşkilatı qalacaq.

Səidə