"Liverpul" son saniyələrdə qələbəni əldən verdi

"Liverpul" İngiltərə Premyer Liqasının 15-ci turundan təxirə salınmış matçda "Everton"la 2:2 hesablı heç-heçə edib.

“Ulusum”.az xəbər verir ki, "Qudison Park"da baş tutan görüşdə komandalar hər hissədə bir-birinə cavab verib. 11-ci dəqiqədə "Everton"un hücumçusu Betu hesabı açıb, lakin 14-cü dəqiqədə Aleksis MakAllister tarazlığı bərpa edib. İkinci hissədə Məhəmməd Salah "qırmızılar"ı önə çıxarıb, lakin qələbəni qorumaq mümkün olmayıb – 90+8-ci dəqiqədə Ceyms Tarkovski yekun nəticəni müəyyən edib.

Turnir cədvəlində "Liverpul" 57 xalla liderliyini qoruyur, "Everton" isə 27 xalla 15-ci pillədədir.

Səidə