Çin, ABŞ-ı Dünya Ticarət Təşkilatına şikayət edib

Çin, ABŞ-ın vergi tədbirlərinə qarşı Dünya Ticarət Təşkilatına (WTO) şikayət ərizəsi təqdim edib.

“Ulusum”.az xəbər verir ki, bu barədə Çinin Ticarət Nazirliyi məlumat yayıb.

1 fevralda ABŞ prezidenti Donald Tramp Meksika, Kanada və Çin mallarına vergi tətbiq edilməsi barədə fərman imzalayıb. Fevralın 4-də Çinin bütün ixracı üzərinə 10%-lik tarif tətbiq olunmağa başlayıb.

Çin, öz qanuni hüquq və maraqlarını müdafiə etmək məqsədilə ABŞ-ın vergi tədbirlərinə qarşı şikayət ərizəsini WTO-nun mübahisə həlli mexanizminə təqdim etdiyini bildirib.

Bundan əlavə, Çin, ABŞ-dan kömür, maye qaz (LNG), neft və kənd təsərrüfatı maşınları üzərində əlavə tariflər tətbiq etmə qərarını verib.

Səidə