Tramp Ukrayna münaqişəsinin həlli üzrə "çox ciddi müzakirələr" aparır

ABŞ Prezidenti Donald Tramp, Vaşinqtonun Moskva ilə Ukrayna münaqişəsinin həlli üçün əlaqə saxladığını açıqlayıb.

“Ulusum”.az xəbər verir ki, o, bunu Ağ Evdə jurnalistlərə bildirib.

Tramp, müharibəni dayandırmaq məqsədilə mümkün olan hər şeyi edəcəyini vurğulayıb və müzakirələrin artıq başladığını bildirdi. O, bu müzakirələri "çox ciddi" olaraq qiymətləndirib, ancaq konkret hansı səviyyədə aparıldığını açıqlamayıb.

Prezidentin əlavə etdiyi digər mühüm məqam isə, Rusiya Prezidenti Vladimir Putinlə şəxsən danışıqlar aparmağa ümid etdiyini ifadə etməsidir. Tramp, bu görüşün müharibənin sona çatması üçün əhəmiyyətli ola biləcəyini qeyd edib və ABŞ-ın bu münaqişəyə son qoymaq niyyətində olduğunu bəyan edib.

Səidə