Filadelfiyada təyyarə qəzasının təfərrüatları məlum olub

"Filadelfiyada qəza edən təyyarənin göyərtəsində iki nəfər olub".

“Ulusum”.az xəbər verir ki, bu barədə ABŞ Federal Mülki Aviasiya İdarəsi məlumat yayıb, Fox News telekanalı bildirir.

İdarənin məlumatına görə, qəza edən təyyarə Learjet 55 modelidir. O, Missuri ştatının Springfield-Branson hava limanına gedirdi.

Kanalın məlumatına görə, təyyarə Filadelfiyanın şimal-şərqindəki hava limanından havaya qalxdıqdan 30 saniyə sonra radarlardan itib. Təyyarə həmin vaxt 1600 fut (487 metr) hündürlükdə idi.

Bundan əvvəl CBS telekanalı, hüquq-mühafizə orqanlarına istinadən, kiçik təyyarənin Filadelfiyada yaşayış binalarına düşdüyünü bildirmişdi. Məlumatlara görə, hadisədən sonra Kottman prospekti və Ruzvelt prospektinin kəsişdiyi ərazidə bir neçə ev yanmağa başlayıb.

Səidə