BMT-nin Baş katibi Suriyaya qarşı bəzi sanksiyaların ləğvini tövsiyə edib

"Ulusum".az xəbər verir ki, Birləşmiş Millətlər Təşkilatının Baş katibi Antonio Quterreş Davosda keçirilən Dünya İqtisadi Forumunda çıxışı zamanı Suriyaya qarşı tətbiq olunan bəzi sanksiyaların humanitar yardımın göstərilməsinə mane olduğunu bildirib. O, bu sanksiyaların bir hissəsinin ləğvini tövsiyə edərək, beynəlxalq ictimaiyyəti daha çevik və insanpərvər yanaşmaya çağırıb.

Quterreşin sözlərinə görə, uzunmüddətli münaqişə və iqtisadi çətinliklər Suriyada dərin humanitar böhran yaradıb. Yardımların maneəsiz çatdırılmasını təmin etmək üçün sanksiyaların yenidən nəzərdən keçirilməsi mühüm əhəmiyyət kəsb edir.

Davosda çıxış edən Baş katib, sanksiyaların humanitar məqsədlərlə ziddiyyət təşkil etməməli olduğunu vurğulayıb və dünyanın Suriyadakı humanitar vəziyyətə daha çox diqqət yetirməsinin vacibliyini qeyd edib.

Səidə