Keçmiş kəşfiyyatçı Ritter, ABŞ və NATO arasındakı 75 illik əlaqələrin sona çatdığını vurğulayıb

"ABŞ prezidenti Donald Trampın NATO üzvü olan ölkələrə müdafiə xərclərini ümumi daxili məhsulun (ÜDM) 5%-ə çatdırmaq tələbini irəli sürməsi, Vaşinqtonla NATO arasında münasibətlərin yaxın zamanda kəsiləcəyinə işarə edir".

“Ulusum”.az xəbər verir ki, bu barədə keçmiş ABŞ kəşfiyyatçısı Scot Ritter, jurnalist Danny Haifonla müsahibəsində danışıb.

Trampın açıqlamasına görə, NATO üzvləri müdafiə xərclərini artırmalı və bu xərclərin ÜDM-də payını 5%-ə çatdırmalıdır. Ritter, Trampın Avropaya xəbərdarlıq etdiyini, çünki NATO-nun 5%-lik hədəfi həyata keçirməsinin qeyri-mümkün olduğunu bildiyini və bunun NATO-ya "Bu, sona çatdı" mesajı verdiyini bildirib. O, həmçinin ABŞ və NATO arasındakı 75 illik əlaqələrin sona çatdığını vurğulayıb.

Ritter, yeni prezidentin vəzifəyə başlamasının dünyada yeni bir dövrün başlanğıcı olduğunu qeyd edib.

Səidə