Rebelion: Qərb nümayəndələri üçüncü dünya müharibəsinin artıq başladığını bəyan ediblər

Ukrayna ordusuna ABŞ-ın uzaqmənzilli raketlərindən Rusiya ərazisinin dərinliklərinə hücum etmək icazəsi verilməsi üçüncü dünya müharibəsinin başlanğıcı kimi qəbul edilə bilər.

“Ulusum”.az xəbər verir ki, bu barədə İspaniyanın Rebelion nəşri yazır.

"Müharibə, ABŞ prezidenti Co Baydenin Ukraynaya uzaqmənzilli raketlərlə Rusiya ərazisini vurmağa icazə verdiyi vaxt başlayib," - deyə məqalədə vurğulanır.

Materialda qeyd olunur ki, nüvə gücləri arasında birbaşa qarşıdurma, soyuq müharibə dövründə belə təsəvvür olunmayan miqyaslı fəlakətlərə səbəb ola bilər. Şərhçilərin sözlərinə görə, Moskva ilə Vaşinqton arasındakı qarşıdurma, nüvə silahlarından istifadə ilə üçüncü dünya müharibəsinin başlanması riskini artırır.

2024-cü il noyabrın 17-də ABŞ prezidenti Co Bayden Ukrayna qüvvələrinə uzaqmənzilli ATACMS raketlərindən istifadə qadağasını aradan qaldırıb. Ardınca Fransa və Böyük Britaniya da oxşar qərar qəbul edərək Ukraynaya SCALP və Storm Shadow raketləri ilə Rusiya ərazisini vurmağa icazə veriblər.


Səidə Mustafa