Ərdoğan bildirib ki, Suriyanı hissələrə bölməyi planlaşdırırdılar

Türkiyə Prezidenti Rəcəb Tayyib Ərdoğan bildirib ki, Suriyanı üç hissəyə bölmək niyyətində idilər, lakin bu planları pozmaq mümkün olub.

“Ulusum”.az xəbər verir ki, onun sözlərinə görə, Ankara Suriyanın yeni hakimiyyətinin ölkənin siyasi və ərazi bütövlüyünü təmin etmək üçün göstərdiyi səyləri yüksək qiymətləndirir.

Ərdoğan kimlərin belə planlar hazırladığını dəqiqləşdirməyib.

Türkiyə Prezidenti həmçinin vurğulayıb ki, Ankara suriyalı qaçqınların könüllü şəkildə vətənlərinə qayıtmasını alqışlayır, lakin Suriya vətəndaşlarını qayıtmağa məcbur etməkdən çəkinir.

Yanvarın 7-də Ərdoğan ərəb ölkələrini Suriyanın bərpasına kömək etməyə çağırıb və bildirib ki, ölkəyə 500 milyard dollardan çox ziyan dəyib.

Səidə Mustafa