Trampdan BRICS ölkələrinə ultimatum: “Heç kim istisna deyil!”

ABŞ-ın prezidenti Donald Tramp "Truth Social" hesabında etdiyi paylaşımda, ABŞ-ın gömrük tarifləri və/və ya ticarət razılaşmaları barədə məktublarının 7 iyul saat 12:00-dan etibarən dünyanın müxtəlif ölkələrinə göndərilməyə başlanacağını bildirib.

Tramp, BRICS-in ABŞ əleyhinə siyasətlərini mənimsəyən istənilən ölkəyə əlavə 10% gömrük rüsumu tətbiq olunacağını bildirib və əlavə edib:
“Bu siyasətdə heç bir istisna olmayacaq.”

17-ci BRICS Liderlər Zirvəsi "Əhatəli və Dayanıqlı Qlobal Cənub" şüarı altında Braziliyanın Rio-de-Janeyro şəhərində keçirilir.

Zirvənin dünən yayılmış birgə bəyanatında liderlər “tək tərəfli gömrük rüsumları və qeyri-gömrük tədbirlərin artması” ilə bağlı ciddi narahatlıq ifadə ediblər. Bəyanatın ABŞ-ın Tramp dövründəki ticarət siyasətinə dolayı göndərmə olduğu iddia edilir.

Braziliya, Rusiya, Hindistan, Çin və Cənubi Afrika BRICS-in qurucu üzvləri arasındadır və bu birlik dünya iqtisadiyyatında mühüm rol oynayır.

Ulusum.az