Baydenin xəbəri varmı? Prezidentin adından sənədləri kimlər təsdiqləyib?

Fox News-un yaydığı məlumata görə, ABŞ Konqresinin Nəzarət Komitəsinin sədri Ceyms Komer bildirib ki, Co Baydenin prezidentliyi dövründə Ağ Evdə onun əvəzinə sənədləri imzalayan və vəzifələrini faktiki olaraq icra edən dörd nəfərlik xüsusi bir qrup işləyib.

Komerin sözlərinə görə, həmin şəxslər bunlar olub: keçmiş daxili siyasət üzrə müşavir Neera Tanden, Baydenin köməkçisi Anna Tomasini, birinci xanımın müşaviri Entoni Bernal və Oval kabinetin rəhbər müavini Eşli Uilyams.

Konqresmen iddia edib ki, məhz bu şəxslər əslində ABŞ-ın gerçək rəhbəri olublar, çünki rəsmi sənədlərə onların avtomatik imzaları atılıb.

Komer əlavə edib ki, Baydenin həmin sənədlərdən xəbəri olub-olmadığı və bu prosesi nə dərəcədə nəzarətdə saxladığı məlum deyil.

Ulusum.az