ABŞ və Çin barışıq axtarışında: Liderlərin dialoqu ticarətə nəfəs verə bilər

ABŞ və Çin rəsmiləri ABŞ Prezidenti Donald Tramp ilə Çin Xalq Respublikasının Sədri Si Cinpin arasında telefon danışığının təşkilini müzakirə edirlər. Məqsəd – iki ölkə arasında ticarət məsələlərinə dair dialoqa yeni təkan verməkdir. Bu barədə CNN telekanalı mənbələrə istinadən məlumat yayıb.

“İki yüksək vəzifəli Ağ Ev əməkdaşı CNN-ə bildirib ki, Tramp administrasiyası və Çin rəsmiləri Tramp və Si arasında telefon danışığının keçirilməsini müzakirə edirlər”, – deyə xəbər verilir.

CNN qeyd edir ki, Ağ Ev bu danışığı ticarət danışıqlarını canlandırmaq üçün vacib növbəti addım hesab edir.

Mənbələr onu da vurğulayıblar ki, Tramp hələlik Çin məhsullarına 145%-lik tariflərin geri qaytarılmasını nəzərdən keçirmir. Ancaq Ağ Ev hesab etsə ki, Pekin ticarət razılaşmalarını pozmağa davam edir, bu məsələ gündəmə gələ bilər.

Ulusum.az