Cənubi Afrikada 289 Fəhlə Şaxtada Qaldı

Cənubi Afrika Respublikasında yeraltı qızıl mədənində baş verən qəza nəticəsində 289 fəhlə şaxtada ilişib qalıb. Bu barədə "Reuters" agentliyi ölkənin Mədənçilər İttifaqına istinadən məlumat yayıb.

Bildirilib ki, hadisə ötən axşam baş verib, nəticədə şaxtanın qaldırıcı sistemi sıradan çıxıb. Fəhlələr ölkənin ən dərin mədənlərindən biri olan “Kloof 7” şaxtasında şaxta borusunda ilişib qalıblar.

Mədən sahibi olan “Sibanye” şirkəti bildirib ki, işçilər təhlükəsizlik tam təmin olunana qədər yeraltı stansiyada qalmalıdırlar. Hadisə nəticəsində xəsarət alan olmayıb və xilasetmə əməliyyatının gün sonuna qədər başa çatdırılması planlaşdırılır.

Ulusum.az