Ərdoğanın 15 May Qrafikində Rusiya və Ukrayna ilə Görüş Yoxdur

15 may tarixində Türkiyə Prezidenti Rəcəb Tayyib Ərdoğanın qrafikində Rusiya və Ukrayna nümayəndə heyətləri ilə görüş nəzərdə tutulmayıb. Bu barədə RIA Novosti məlumat yayıb.

Bildirilir ki, həmin gün – cümə axşamı – İstanbulda son 3 ildə ilk dəfə olaraq Rusiya və Ukrayna nümayəndələri arasında birbaşa danışıqlar baş tutacaq. Lakin Ərdoğanın həmin görüşdə iştirakı planlaşdırılmır.

Ərdoğan 15 mayda Ankarada bir sıra tədbirlərdə iştirak edəcək. O, əvvəlcə Ukrayna Prezidenti Vladimir Zelenskini öz iqamətgahında qəbul edəcək, daha sonra hakim Ədalət və İnkişaf Partiyasının (AK Parti) konqres mərkəzində və Türkiyə Ticarət və Sənaye Palataları və Birjaları Birliyinin (TOBB) tədbirində iştirak edəcək.

✍️"Ulusum".az