Pentaqon rəhbəri Pit Hegset qadınlarla bağlı müxtəliflik proqramını ləğv etdi

ABŞ Müdafiə Nazirliyinin rəhbəri Pit Hegset sosial şəbəkə X-də (əvvəlki Twitter) “Qadınlar, Sülh və Təhlükəsizlik” (WPS) proqramının bağlandığını elan edib. Bu barədə Politico məlumat yayıb.

“Bu səhər Müdafiə Nazirliyində ‘Qadınlar, Sülh və Təhlükəsizlik’ (WPS) proqramını qürurla başa çatdırdım. WPS — BMT tərəfindən təşviq olunan və feministlər, sol yönümlü aktivistlər tərəfindən dəstəklənən bir proqramdır. Siyasətçilər bu proqram qarşısında baş əyirlər, amma ordu ondan nifrət edir”, — deyə Hegset bildirib.

21 aprel səhəri ABŞ Müdafiə Nazirliyinin keçmiş mətbuat katibi Conatan Elliot bəyan edib ki, Hegset yaxın vaxtlarda vəzifəsini tərk edə bilər. Onun sözlərinə görə, son bir ayda Pentaqonda tam xaos və nizamsızlıq hökm sürür, bunun əsas səbəbi isə gizli məlumatların sızması və kütləvi istefalarla bağlı qalmaqallardır.

Elliot qeyd edib ki, bu vəziyyət Pentaqonun diqqətini hərbi fəaliyyətlərdən yayındıraraq, onu sonsuz intriqalar və dramlarla məşğul olmağa vadar edir.

✍️"Ulusum".az