Aİ Fələstinə 1,6 milyard avro yardım elan edib

Avropa Birliyi Fələstinə 1,6 milyard avroluq yardım paketini açıqlayacaq.

Bu barədə Aralıq dənizi üzrə Avropa komissarı Dubravka Şuikanın bəyanatına istinadən “Financial Times” nəşri məlumat yayıb.

Aprelin 12-də Aİ-nin diplomatiya rəhbəri ilə Avropa Komissiyasının Humanitar Məsələlər və Aralıq dənizi üzrə komissarlarının birgə bəyanatında qeyd olunub ki, inteqrasiya birliyi Qəzza zolağında humanitar vəziyyətdən narahatdır və İsraili Fələstin anklavının blokadasına son qoymağa və humanitar yardımın bərpasına icazə verməyə çağırır.

“Aİ Fələstinə dəstək üçün 1,6 milyard avro ayırmaq niyyətindədir... Brüssel Avropa İnvestisiya Bankı və Fələstin Muxtariyyətinin Davamlı İnkişafı üzrə Avropa Fondundan 1,2 milyard avroluq qrant və 400 milyona qədər kreditdən ibarət yeni paketi elan edəcək”, – nəşr Şuitsa-dan sitat gətirir.

Təxminən 620 milyon avro hakimiyyət orqanlarına maliyyə dəstəyinə, təxminən 576 milyon avro isə İordan çayının qərb sahilinin və Qəzza zolağının yenidən qurulmasına yönəldiləcək.