Qatlanan iPhone unikal ekranla seçiləcək

Apple şirkəti qatlanan iPhone modelinin hazırlanmasında mühüm irəliləyişlər əldə edib və mövcud qatlanan cihazlarda olan ekranın qat yerinin görünməsini aradan qaldırmaqda mühüm addım atıb. Bu barədə Cənubi Koreyanın ETNews nəşri məlumat yayıb.

Apple, 2025-ci ilin aprel ayında başa çatması gözlənilən qatlanan iPhone üçün komponent təminatçılarını seçmək prosesini yekunlaşdırır. Böyük miqyaslı komponent istehsalının isə cari ilin ikinci yarısında başlaması ehtimal edilir.

Sənaye mənbələri bildirir ki, Apple bu qatlanan telefonunu mövcud modellərdən fərqləndirmək üçün hər şeydən əvvəl ekranın qat yerini görünməz etməyi qarşısına məqsəd qoyub. Bildirilir ki, yeni xüsusiyyətlərə malik materiallar hazırlanıb və bu materiallar qat yerini demək olar ki, görünməz edəcək.

Görünən qat xətti, uzun müddət qatlanan smartfonların inkişafında ən böyük maneə olmuşdur. Samsung və Huawei kimi istehsalçılar bu problemi həll etməkdə uğursuz olub. Apple tərəfindən tapılan həll, şirkətə böyük rəqabət üstünlüyü qazandıra bilər.

Məlumatlara görə, Samsung Display, Apple-ın qatlanan cihazı üçün OLED ekranlarının eksklüziv təminatçısı olacaq. Koreya şirkətinə üstünlük verilib, çünki o, smartfonlar üçün qatlanan ekranları kütləvi istehsal etməyə başlayan ilk şirkət olub.

Qatlanan iPhone-un dizaynının kitab kimi daxili qatlanmaya sahib olacağı gözlənilir. Amerikalı Corning şirkətinin matrisin qorunması üçün ultratəhqiqat şüşə (UTG) təqdim edəcəyi ehtimal olunur.

Apple məhsullarının inkişafı üçün tipik müddətləri nəzərə alaraq, ETNews qatlanan iPhone-un 2026-cı ilin ikinci yarısında təqdim ediləcəyini ehtimal edir.

Səidə