Aİ Starlink-ə alternativ olaraq IRIS2 peyk şəbəkəsinin yaradılmasına 10,6 milyard avro sərmayə qoyacaq

Aİ Starlink-ə alternativ olaraq IRIS2 peyk şəbəkəsinin yaradılmasına 10,6 milyard avro sərmayə qoyacaq. Ulusum.az xəbər verir ki, bu barədə Bloomberg yazıb.

Avropa İttifaqı hökumətlərə, hərbi və özəl müştərilərə şifrlənmiş qlobal internet bağlantısını təmin edəcək 290 peykdən ibarət IRIS2 şəbəkəsinin qurulması üçün müqavilələr imzalayıb.

Dəyəri 10,6 milyard avro olan layihənin 2030-cu ilə qədər başa çatdırılması planlaşdırılır. Aİ 6 milyard avro yardım edəcək, qalan vəsait isə özəl şirkətlər və Avropa Kosmik Agentliyindən gələcək.

IRIS2 layihəsi Avropanın İlon Maskın Starlink kimi özəl sistemlərdən asılılığını azaltmaq və blokun müdafiə qabiliyyətini gücləndirmək məqsədi daşıyır.

Eltun Məmmədov