Cin Hekmenin uşaqlarına buraxmadığı miras kimə qismət oldu?

Hollivood ulduzu Cin Hekmen, həyatının son dövrlərində aldığı qərarlarla diqqət çəkib.

“Ulusum”.az-ın məlumatina görə, dünya kinosunun tanınmış simalarından biri olan aktyor, milyonlarla dollar dəyərindəki sərvətini uşaqlarına buraxmaq əvəzinə, tamamilə həyat yoldaşı Betsi Arakavaya verməyi qərara alıb.

Qeyd olunur ki, uşaqları — Kristofer, Elizabet və Lesli — bu sərvətdən heç nə əldə etməyəcək. Bu qərar, ailə üzvləri arasında müəyyən narahatlıqlara səbəb olub və artıq Həkmenin böyük oğlu Kristofer, atasının irsindən pay almaq üçün hüquqlarını müdafiə etmək məqsədilə tanınmış vəkil Endryu M. Katzensteyni ilə əməkdaşlıq etməyə başlayıb.

Bundan başqa, Hekmenin həyat yoldaşı Betsi Arakava, öz əmlakını əgər həyat yoldaşı ondan əvvəl vəfat edərsə, şəxsi nümayəndəsinə təhvil verməyi vəsiyyətnaməsində qeyd edib. Bu nümayəndə isə bu sərvəti, həyatları boyunca Hekmen və Arakava tərəfindən ifadə edilən xeyriyyə məqsədləri üzrə istifadə etməlidir.

Cütlüyün 3,8 milyon dollar dəyərindəki və 800 kvadrat metr sahəsi olan evinin gələcək taleyi isə hələlik qeyri-müəyyəndir.