Nikole Kidman Uimbldonda tənqid hədəfinə çevrildi

Hollivud ulduzu Nikole Kidman Uimbldon turnirində görünüşü ilə gündəmə gəlib. Daily Mail xəbər verir ki, 58 yaşlı aktrisanın son görüntüləri izləyicilər tərəfindən sərt şəkildə tənqid olunub.

13 iyulda Böyük Britaniyada keçirilən kişilərarası final oyununda iştirak edən Kidman, ağ kostyum və köynəkdə, sadə makiyaj və düz saçlarla görüntülənib. Görünüşünü sırğalar, üzük və saatla tamamlayan aktrisanın yeni halı bəzilərini təəccübləndirib.



Sosial şərhlərdə yazılıb:

“Mum heykələ bənzəyir”

“Hər gün bir az da yadplanetliyə oxşayır”

“Üzünü tamamilə məhv edib, özünü 25 yaş qocaldıb. 75 yaşlı qadına oxşayır”

“Artıq onda təbii heç nə qalmayıb”

Bundan öncə, may ayında "Allure" jurnalına verdiyi müsahibədə Kidman xarici görünüşü ilə bağlı bir dəyişikliyə peşman olduğunu bildirmişdi. O, “Gür saçlı idim, ancaq tez-tez düzləşdirməyə başladım və indi buna görə peşmanam”, – deyə qeyd etmişdi.

Ulusum.az