Kanye West-ə Hitlerə həsr etdiyi mahnıya görə bir ölkəyə giriş qadağan edildi

Avstraliya Daxili İşlər Nazirliyi reper Kanye West-in vizasını ləğv edib — BBC-nin məlumatına görə, bu barədə nazir Toni Berk bildirib.

Nazir qeyd edib ki, amerikalı musiqiçi çoxsaylı təhqiredici fikirlər səsləndirib.

“Antisemitizmin rasional olduğunu iddia edən şəxsin burada olmasına icazə verməyəcəyəm,” — deyə Berk vurğulayıb.

O, West-in Avstraliyaya girişinə hansı müddətə qadağa qoyulduğunu dəqiqləşdirməyib. Lakin Berk əlavə edib ki, vizaya müraciətlər Avstraliya qanunvericiliyinə uyğun olaraq yenidən gözdən keçiriləcək.

West mayın 8-də Adolf Hitler haqqında mahnı yayımlayıb — bu tarix Avropada və ABŞ-da Qələbə Günü kimi qeyd olunur. Mahnının klipində heyvan dərilərinə bürünmüş qaradərili kişilər nasist salamını birgə səsləndirirlər. Daha sonra reper X sosial şəbəkəsində paylaşdığı yazılarda siyasi baxışlarını dəyişdiyini və “antisemitizmə son qoyduğunu” bildirib.

Ulusum.az