Onkoloji xəstə uşağın ağrılarını sakitləşdirən Samiraldo: “Mən insanları güldürmək üçün varam”

Samiraldo, əsl adı Samir Əliyev olan tanınmış stilist və şoumen, onkoloji xəstə uşaqlara mənəvi dəstək göstərdiyini bildirib. O, aparıcı Ülvira Qarayeva ilə söhbətində qeyd edib ki, bir dəfə ölümcül xəstə olan bir uşağın anası onunla əlaqə saxlayaraq, övladının ağrılardan əziyyət çəkdiyini və sakitləşmədiyini bildirib.

Samiraldo uşağın anası ilə danışaraq, ona motivasiya verib və uşağın ağrılarının azaldığını hiss etdiyini söyləyib.

Samiraldo vurğulayıb ki, bu cür hallarda ona edilən dualar və minnətdarlıqlar pulla ölçülə bilməz. O, insanları güldürmək və ruhlandırmaq üçün çalışdığını, bu işin onun əsas missiyası olduğunu bildirib.

Əvvəllər stilist kimi fəaliyyət göstərən Samiraldo, indi bu yolla həm yaşayışını təmin etdiyini, həm də insanlara təsir etdiyini qeyd edib.

R.İkramlı
Ulusum.az