Türkan Şorayın sevilməsinin əsas sirri nədir?

Türkan Şoray Muğla Bodrumda keçirilən 4-cü Beynəlxalq Aralıq Dənizi Ədəbiyyat Günləri tədbirində iştirak edib. O, jurnalistə verdiyi açıqlamada gözəl bir söhbətə qatıldığını və bundan çox məmnun olduğunu bildirib. Zülfü Livaneli ilə ədəbiyyat və kino mövzusunda söhbət etdiklərini, tamaşaçıların çox maraqlı və isti yanaşdığını vurğulayıb. Belə tədbirlərin sənət və kino sahəsində davam etməsinin vacib olduğunu söyləyib.

Türkan Şoray qeyd edib ki, son vaxtlar film istehsalının xərcləri artıb, amma kino sevən rejissorlar və istehsalçılar bütün gücləri ilə film çəkməyə çalışırlar. Tamaşaçıların da bu filmlərə sahib çıxıb kinoteatrları doldurması önəmlidir.

O, kinoda çəkildiyi dövrlərin ona xüsusi əhəmiyyət kəsb etdiyini, tamaşaçıların onu sevməsinin oynadığı obrazlara bağlı olduğunu bildirib. Şoray deyib ki, tamaşaçılar onun obrazlarını çox sevib onlarla özlərini eyniləşdirirlər. Kino sehrinin onda olduğuna inanır və bunu səmimiyyət kimi qiymətləndirir. Səmimiyyətin tamaşaçı tərəfindən hiss olunduğunu əlavə edib.

Şoray həmçinin kinoya həvəskarcasına başladığını, canlandırdığı obrazların sevincini və kədərini yaşayaraq ifa etdiyini vurğulayıb. O, həmin kədərin insanlarla bölüşüldüyünü və tamaşaçıların da bunu ürəkdən hiss etdiyini bildirib.

Kino ziyalılarının əvvəllər türk kinosuna, özlərinə isə aktyor kimi yuxarıdan aşağı baxdıqlarını xatırladan Şoray, "Onlar bizi aktyor kimi görmürdülər. Bundan çox əziyyət çəkdim. Nədənsə, belə olduğu üçün hələ də film çəkə bilmirəm. Nədənsə filmlərdə həmişə gözəl qadınlar, gənc xanımlar olmalıdır. Sənət filmləri ilə yanaşı, kino sənəti də reklam işidir" dedi.

Ulusum.az