İlkin Əhmədov və Elgiz Əkbər arasında efirdə gərgin anlar

"Elgizlə izlə" verilişində Əməkdar artist İlkin Əhmədovla aparıcı Elgiz Əkbər arasında mübahisə yaşanıb.

Mübahisə İlkinin şəxsi həyatını gizli saxlamağa çalışması ilə bağlı olub. İlkin muğam ifaçılarının abırını qorumaq üçün öz həyatını gizli saxlamağa üstünlük verdiyini bildirib.

Elgiz isə buna irad tutaraq, açıq sözlü olmağın vacibliyini vurğulayıb və "Bacarırsan, reytinq ver" deməklə İlkinə təpki göstərib.

İlkin isə "Mən reytinq verirəm" cavabını verib. Elgiz, efirdə açıq danışmağın və şəxsi həyatdan bəhs etməyin vacibliyini qeyd edib. O, həmçinin, sənətçilərin daha çox öz həyatından danışmalarını və qorxmamalı olduqlarını bildirib.

İlkin isə söhbətini başqa mövzuya yönəldərək, efirdə bayağı mahnı oxuyanlardan bəhs edib. Nəticədə, hər iki tərəf öz mövqelərini bildirərək mübahisəni sona çatdırıblar.