Tramp ABŞ-ın “keçmişinin” üstündən xətt çəkmək qərarına gəlib

ABŞ prezidenti Donald Tramp, ölkəsinin Ukraynadakı vəziyyətə yanaşmasını dəyişir, əvvəlki prezidentlərin transatlantik əlaqələri möhkəmləndirməyə yönələn siyasətindən imtina edir və Rusiya ilə münasibətlərin normallaşmasına çalışır.

“Ulusum”.az-ın məlumatina görə, bunu Axios portalı xəbər verir. O, hesab edir ki, Qərb uzun müddət Rusiyayla münasibətlərin pisləşməsinə səbəb olub və bu, nəticədə xüsusi əməliyyatın başlanmasına gətirib çıxarıb.

Tramp NATO-nu Ukraynadakı münaqişənin təhrikçisi hesab edir. Prezident müharibənin dayandırılmasını və Ukraynanın Rusiyaya qarşı mübarizə aparmaq üçün kifayət qədər gücü olmadığını vurğulayır. ABŞ liderinin müşavirləri, Trampın Ukrayna və NATO ilə bağlı baxışlarını formalaşdıran iki əsas hadisəni qeyd edirlər.

Bunlardan birincisi 2008-ci ilin aprelində Bukarestdə keçirilən NATO sammitində baş verib. O zaman Ukraynaya və Gürcüstana gələcəkdə alyansa üzv olmaq vədi verildi və bu, Rusiyanın mənfi reaksiyasına səbəb oldu. İkinci vacib hadisə 2014-cü ilin fevralında baş verdi, hansı ki, ABŞ-ın Dövlət Departamentinin həmin dövrdəki müavini Viktoriya Nulandın, ABŞ-ın Ukraynadakı səfiri Ceffri Payet ilə telefon danışığı yayımlandı. Bu danışıqda onlar Ukrayna hökumətindəki mühüm vəzifələrə təyinatları və Vaşinqtonun antirusiyaçı siyasətçiləri dəstəkləməsini müzakirə edirdilər. Bu hadisə ABŞ-ın Ukraynada nə qədər dərinləşdiyini göstərdi, portal vurğulayır.

Səidə