Ceyhun Bayramov Sloveniya rəsmisi ilə görüşüb

Azərbaycanın xarici işlər naziri Ceyhun Bayramov Sloveniya XİN-in dövlət katibi Marko Ştutsin ilə görüşüb.

Bu barədə "Ulusum".az -a XİN-in Mətbuat xidmətindən məlumat verilib. Tərəflər ikitərəfli və çoxtərəfli əməkdaşlıq, regional təhlükəsizlik, enerji, ticarət və nəqliyyat sahələrində əməkdaşlıq perspektivlərini müzakirə ediblər. Təhsil və humanitar sahələrdə əlaqələr, həmçinin Azərbaycanın işğaldan azad edilmiş ərazilərində aparılan bərpa işləri barədə fikir mübadiləsi aparılıb. Qarşı tərəfə Ermənistanın ərazi iddiaları və silahlanmasının regional sülhə təhdidi barədə məlumat verilib.