Harris seçkiyə gedərkən Trampı dörd faiz qabaqlayır

NPR, PBS News və Marist Kollecinin keçirdiyi sorğuda Harris seçkiyə gedərkən Trampı dörd faiz qabaqlayır.

Belə ki, Harris respondentlərin 51%-nin, Trampın isə 47%-nin dəstəyini qazanıb; daha 2% isə digər namizədlərə səs vermək istəyib. Eyni zamanda, oktyabrın əvvəlində keçirilən analoji sorğu göstərib ki, Harrisin 50%, Trampın isə 48% dəstəyi var.

Harris ağdərili olmayan amerikalılar və 1946 - 1964, 1981 - 1996 və 1997 - 2012-ci illərdə doğulmuş nəsillər arasında, Tramp isə ağdərili seçicilər, 1928 - 1945 və 1965 - 1980-ci nəsillər arasında üstünlük təşkil edir.

Buna baxmayaraq, sorğuda iştirak edənlər arasında 49% Trampın seçkidə qalib gələcəyinə əmindir, 46% isə Harrisin qalib gələcəyini gözləyir.

Eltun Məmmədov